ମୁମ୍ବାଇ କ୍ରଇମବ୍ରାଞ୍ଚ, ରାଜସ୍ଥାନରୁ ମହମ୍ମଦ ରଫିକ୍ ଚୌଧୁରୀ ନାମକ ଜଣେ ଅଭିଯୁକ୍ତଙ୍କୁ ଗିରଫ କରିଛି । ମାମଲାର ପଞ୍ଚମ ଅଭିଯୁକ୍ତ ଭାବେ ତାଙ୍କୁ ଗିରଫ କରାଯାଇଛି ।
ବଲିଉଡ୍ ଅଭିନେତା ସଲମାନ୍ ଖାନଙ୍କ ବାସଭବନ ଉପରକୁ ଗୁଳିମାଡ଼ ଘଟଣାରେ ଆଉ ଜଣେ ଗିରଫ । ମୁମ୍ବାଇ କ୍ରଇମବ୍ରାଞ୍ଚ, ରାଜସ୍ଥାନରୁ ମହମ୍ମଦ ରଫିକ୍ ଚୌଧୁରୀ ନାମକ ଜଣେ ଅଭିଯୁକ୍ତଙ୍କୁ ଗିରଫ କରିଛି । ମାମଲାର ପଞ୍ଚମ ଅଭିଯୁକ୍ତ ଭାବେ ତାଙ୍କୁ ଗିରଫ କରାଯାଇଛି । ତଦନ୍ତକାରୀ ଟିମର କହିବା କଥା, ରଫିକ୍ କେବଳ ଗୁଳିକାଣ୍ଡ ଘଟଣାରେ ସଂପୃକ୍ତ ନାହାନ୍ତି, ବରଂ ପୂରା ଅପରେସନ୍ ପାଇଁ ଫଣ୍ଡିଂ ମଧ୍ୟ କରିଛନ୍ତି ।
ଗତମାସରେ ସଲମାନ୍ ଖାନଙ୍କ ମୁମ୍ବାଇ ବାସଭବନ ଉପରେ ଗୁଳିମାଡ଼ ହୋଇଥିଲା । ଏହି ମାମଲାରେ ପୋଲିସ ୪ ଜଣଙ୍କୁ ଗିରଫ କରି ସାରିଛି । ସେମାନେ ହେଲେ ଅନୁଜ ଥାପନ, ସୋନୁ ବିଷ୍ଣୋୟୀ, ସାର୍ପ ସୁଟ୍ ସାଗର ପାଲ୍ ଏବଂ ଭିକି ଗୁପ୍ତା । ଗତମାସ ୨୬ ତାରିଖରେ ଅନୁଜ ଥାପନ ଏବଂ ସୋନୁ ବିଷ୍ଣୋୟୀଙ୍କୁ ଗିରଫ କରିଥିଲା ମୁମ୍ବାଇ କ୍ରାଇମବ୍ରାଞ୍ଚ । ତେବେ ପୋଲିସ କଷ୍ଟୋଡିରେ ଥିବା ବେଳେ ଅନୁଜ ତାପନ ଆତ୍ମହତ୍ୟା କରିଥିବା ଅଭିଯୋଗ ହୋଇଛି ।